[smc-discuss] SMC യുടേത് അപക്വമായ നിലപാട് എന്ന് ആരോപണം.
Anilkumar KV
anilankv at gmail.com
Sun Feb 27 02:53:25 PST 2011
2011/2/27 Santhosh Thottingal <santhosh.thottingal at gmail.com>
>
> ഏതൊരു പ്രൊജക്ടും ഒരു പേരു
> സ്വീകരിക്കുന്നതു് അതിന്റെ പ്രവര്‍ത്തന മേഖലയുമായി ബന്ധപ്പെട്ട
> വാക്കുകളുപയോഗിച്ചാണു്.
>
അതെ, അതു തന്നെയാണു് മിക്ക പ്രൊജക്ടുകളുടേയും സ്ഥിതി. പേരിന്റെ കാര്യത്തില്‍
അഭിപ്രായ വ്യത്യാസമില്ല.
2002 ല്‍ ബൈജു ഈ പേരു് ഉപയോഗിച്ചു് കൂട്ടായ്മ
> തുടങ്ങിയപ്പോള്‍ ഈ പേരു് അനന്യമായിരുന്നു. മലയാളം കമ്പ്യൂട്ടിങ്ങ് എന്നതു
> തന്നെ ആളുകള്‍ കേട്ടു തുടങ്ങാത്ത കാലം , 8 വര്‍ഷങ്ങള്‍ക്കു ശേഷം ,
> സ്വതന്ത്ര മലയാളം കമ്പ്യൂട്ടിങ്ങ് എന്നതു് ഒരു "പ്രവര്‍ത്തനത്തെ
> സൂച്ചിപ്പിക്കുന്ന വാക്ക്" ആയി തോന്നിത്തുടങ്ങിയെങ്കില്‍ അതു് smc യുടെ
> വിജയമാണു്.
ശരിയാണു്. ഇക്കാര്യത്തില്‍ എസു് എം സി-യുടെ പങ്കു് വളരെ വലുതാണു്,
> ഇവിടെ കൌതുകകരമായ
> ഒരു കാര്യം അനില്‍ അല്ലെങ്കില്‍ dakf ആണു് ഈ പേരു് ആ അര്‍ത്ഥത്തില്‍
> ഉപയോഗിക്കാന്‍ ശ്രമിക്കുന്നതു്. ഇതിനുമുമ്പു് സര്‍ക്കാറിന്റെ മലയാളം
> കമ്പ്യൂട്ടിങ്ങ് പരിപാടി പോലും ഈ പേരു് ഒരിക്കലും ഉപയോഗിച്ചിട്ടില്ല.
>
പ്രത്യേകിച്ചൊരു ശ്രമം നടത്തിയിട്ടല്ലെങ്കിലും, ഞാന്‍ ആ അര്‍ത്ഥത്തില്‍ ആ
ഭാഷപ്രയോഗം ഉപയോഗിക്കാറുണ്ടു്. ഈ കൂട്ടായ്മയെ കുറിച്ചു് കേട്ടറിഞ്ഞതു മുതല്‍,
പല പൊതുവേദികളിലും, സ്വകാര്യ സംഭാഷണങ്ങളിലും എസു് എം സി-യെ കുറിച്ചും,
"സ്വതന്ത്ര മലയാളം കമ്പ്യൂട്ടിങ്ങ്" എന്നതുകൊണ്ടു് എന്താണുദ്യേശിക്കുന്നതെന്നും
വിശദികരിക്കാറുണ്ടു്.
പേരു് കുത്തകവത്കരിക്കുക എന്നതൊക്കെ വളരെ ബാലിശമായ ആരോപണമാണു്.
>
പേരിനോടു് വിയോജിപ്പില്ല. പേരായി ഉപയോഗിക്കുന്നതും, പേരെന്ന രീതിയില്‍ അതു്
സംരക്ഷിക്കുന്നതിലും ഞാനും കൂടെയുണ്ടു്.
വിജയകരമായ ഒരു പ്രൊജക്ടിന്റെ പേരു് , 8 വര്‍ഷത്തിനു ശേഷം , വേറെ
> രീതിയില്‍ കുറച്ചു പേര്‍ ഉപയോഗിക്കാന്‍ ശ്രമിക്കുകയും ആ പ്രൊജക്ടിന്റെ
> ഐഡന്റിറ്റിയെ ലഘൂകരിക്കാന്‍ ശ്രമിക്കുകയും ചെയ്യുന്നതു് നല്ല കാര്യമായി
> എനിക്കു തോന്നുന്നില്ല.
ശരിയാണു്, അങ്ങനെയുള്ള ഒരു ശ്രമമുണ്ടെങ്കില്‍ അതു് നല്ലൊരു കാര്യമല്ല
പ്രത്യേകിച്ചും വര്‍ഷങ്ങളായി ഈ വേദിയിലുള്ള
> അനില്‍ അതിനു് ഇപ്പോള്‍ തുനിയുന്നതിന്റെ കാരണവും എനിക്കു
> മനസ്സിലാവുന്നില്ല.
>
[?] ഞാനതിനു് തുനിഞ്ഞിട്ടില്ല. ഞതു പറഞ്ഞിട്ടും സന്തോഷിനു്
മനസ്സിലാവുന്നില്ലെങ്കില്‍, നമ്മളഅ തമ്മില്‍ ആശയവിനിമയം നടത്തുന്നതിലെ
പാളിച്ചയാകാം.
> പ്രൊജക്ടിന്റെ പേരു സംരക്ഷിക്കുന്നതും , പ്രൊജക്ടു് മുന്നോടു
> വെയ്ക്കുന്ന സ്വതന്ത്ര സോഫ്റ്റ്‌വെയര്‍ ആശയവും വിരുദ്ധമാകന്നു എന്ന
> അനിലിന്റെ കണ്ടുപിടിത്തം തമാശയായേ എനിക്കു കാണാന്‍ കഴിയുന്നുള്ളൂ.
>
"സ്വതന്ത്ര മലയാളം കമ്പ്യൂട്ടിങ്ങ്" എന്ന ഭാഷപ്രയോഗം എസു് എം സി പ്രൊജക്ടിടിനെ
സൂചിപ്പിക്കുവാന്‍ മാത്രമേ ഉപയോഗിക്കാവു എന്ന നിലപാടും, "സ്വതന്ത്ര മലയാളം
കമ്പ്യൂട്ടിംഗു്"" മുന്നോട്ടു് വെക്കുന്ന സന്ദേശത്തിനു് വിരുദ്ധമാണു്.
മറിച്ചുള്ള തോന്നല്‍, ഞാനംഴുതിയതു് തെറ്റായി വായിച്ചതുകൊണ്ടുണ്ടായതാകാം.
> കുത്തകവത്കരണമല്ല, പ്രൊജക്ടിന്റെ ഐഡന്റിറ്റിയും, ഞാന്‍ smc അംഗം എന്ന
> ഓരോ അംഗത്തിന്റെയും അഭിമാനത്തിന്റെയും സംരക്ഷണം. അതുമാത്രം.
> അതംഗീകരിക്കാന്‍ അനിലിനാവുന്നില്ലെങ്കില്‍ വളരെ ഖേദകരമാണു്.
>
എസു് എം സി പ്രൊജക്ടിന്റെ ഐഡന്റിറ്റി പ്രധാനപ്പെട്ടതായിട്ടു തന്നെയാണു്
കരുതുന്നതു്. എസു് എം സി പ്രവര്‍ത്തനവുമായി സഹകരിക്കുന്നുവെന്നതില്‍
എനിക്കഭിമാനവുമുണ്ടു്. പക്ഷെ, "സ്വതന്ത്ര മലയാളം കമ്പ്യൂട്ടിങ്ങ്" എന്ന
ഭാഷപ്രയോഗം എസു് എം സി പ്രൊജക്ടിടിനെ സൂചിപ്പിക്കുവാന്‍ മാത്രമേ ഉപയോഗിക്കാവു
എന്ന നിലപാടില്‍ സന്തോഷു് അറിഞ്ഞോ, അറിയാതേയോ സ്വീകരിക്കുന്ന ഭാഷാപ്രയോഗത്തെ
കുത്തകവല്‍ക്കരിക്കുന്ന മനോഭാവത്തോടു് വിയോജിപ്പുണ്ടു്.
> smc യെക്കുറിച്ചു് ഈ വേദിയിലറിയാതെ ആരും സംസാരിക്കരുതു് എന്ന രീതിയില്‍
> എന്തിനാണു് വ്യാഖ്യാനിക്കുന്നതു്? അങ്ങനെയല്ല പറയുന്നതു്. പൊതു
> വേദികളില്‍ (സ്വകാര്യവേദികളിലല്ല), smc എന്ന പ്രൊജക്ടിനെ
> പ്രതിനിധീകരിച്ചു്, അല്ലെങ്കില്‍ smc എന്ന പ്രൊജക്ടിനെക്കുറിച്ചു്
> സംസാരിക്കുമ്പോള്‍ ഈ വേദിയിലറിയിക്കണം എന്നാണു് പറഞ്ഞതു്. അതു് ഇതുവരെ
> അനിലിനു മാത്രമേ പ്രായോഗികമല്ലാതിരുന്നിട്ടുള്ളൂ. ഇത്തരം പരിപാടികള്‍
> വല്ലപ്പോഴും നടക്കുന്നതാണു്. കുറഞ്ഞതു് ഒരാഴ്ച മുമ്പെങ്കിലും
> തയ്യാറെടുപ്പും അറിയിപ്പും ഒക്കെ കഴിഞ്ഞിരിക്കും. അനുവാദത്തിനു
> വേണ്ടിയല്ല ഇവിടെ അറിയിക്കണമെന്നു പറയുന്നതു്. ആ പരിപാടിയില്‍ കൂടുതല്‍
> ആളുകളെ എത്തിക്കാനും, അതിനെ വിജയകരമാക്കാനും ആണു്. കൂടാതെ ഒരു സാമാന്യ
> മര്യാദയും. ഇതു് പ്രായോഗികമല്ലെന്നും പ്രവര്‍ത്തനം
> വ്യാപിപ്പിക്കുന്നതിനു് സഹായകരമാവില്ലെന്നും പറയുന്നതു് എന്തു
> യുക്തിയാണു്?
>
എസു് എം സി യെ കുറിച്ചു് പലരും പൊതുപരിപാടി നടത്താറുണ്ടു്. അത്തരം വേദികളില്‍,
ഈ കൂട്ടായ്മയെ കുറിച്ചറിഞ്ഞ കാലം തൊട്ടു്, എസു് എം സി യെ
പരിചയപ്പെടുത്താറുണ്ടു്. അതില്‍ നിന്നും മനസ്സിലാക്കിയതു് വെച്ചാണു് പറയുന്നതു്
ഈ വേദിയിലറിയിച്ചെ എസു് എം സി യെ കുറിച്ചു് പരിപാടി നടത്താവു എന്നു് വ്യവസ്ഥ
വെക്കുനതു് പ്രായോഗികമല്ല. അത്തരം വ്യവസ്ഥകളൊക്കെ പാലിക്കുന്ന പരിപാടികള്‍
കുറവായിരിക്കും. അതിനാല്‍ അത്തരം വ്യവസ്ഥകള്‍ എസു് എം സിയുടെ
പ്രവര്‍ത്തനത്തിനു് സഹായകരമാവില്ല.
ഇതില്‍ സാമാന്യ മര്യാദയുടെ ലംഘനമായി കാണേണ്ട. അത്തരം പരിപാടികളൊക്കെ നല്ല
ഉദ്ദേശ്യങ്ങളോടെ നടത്തുന്നവ തന്നെയാണു്.
ഒരു പൊതു വേദിയില്‍ smc യെ അപകീര്‍ത്തിപ്പെടുത്തുന്ന പരാമര്‍ശം നടത്തിയതു്
> അനിലാണു്.
>
അങ്ങനെയൊരു അപകീര്‍ത്തിപ്പെടുത്തലൊന്നുമുണ്ടായിട്ടില്ല. സന്തോഷിന്റെ നിലപാടിനെ
ആധാരമാക്കി, എസു് എം സി ചര്‍ച്ചാവേദില്‍ ഭാഷാപ്രയോഗത്തിന്റെ
കുത്തകവല്‍ക്കരണത്തിനു വേണ്ടിയുള്ള അപക്വമായ നിലപാടു് വരെയുണ്ടാകുന്നെന്നു്
പറഞ്ഞു. ഇത്തരം തെറ്റായ പ്രവണതകളെ മാറ്റിയെടുക്കാനും, ഭാഷാ, വൈജ്ഞാനിക,
സാംസ്കാരിക, സാമൂഹ്യരംഗങ്ങളില്‍ ഇടപെടുന്ന ധാരാളംപേര്‍ ഈ കൂട്ടായ്മയിലേക്കു്
കടന്നുവരണമെന്നുമാണു് പറഞ്ഞതു്.
സന്തോഷു് ഇക്കാര്യത്തില്‍ സ്വീകരിക്കുന്നതു് ഭാഷാപ്രയോഗത്തിന്റെ
കുത്തകവല്‍ക്കരണ സമീപനമാണെന്ന, എന്റെ അഭിപ്രായത്തിന്റെ അടിസ്ഥാനത്തിലാണതു്
പറഞ്ഞതു്. ഇതു് എസു് എം സി-യെ അപകീര്‍ത്തിപ്പെടുത്താലാണെന്നു്
തോന്നുന്നുണ്ടെങ്കില്‍ നമ്മള്‍ തമ്മിലെ കാഴ്ചപാടിന്റെ വ്യത്യസ്തതകൊണ്ടാകും
ഇക്കാര്യത്തില്‍ , ഞാനുന്നയിച്ച ആവശ്യത്തില്‍ എന്തെങ്കിലും അഭിപ്രായ
ഭിന്നത അനിലിനുണ്ടായിരുന്നെങ്കില്‍ ഈ വേദിയില്‍ ഉന്നയിക്കാമായിരുന്നു,
> dakf ല്‍ പറയാമായിരുന്നു. വ്യക്തിപരമായി എന്നെ പരിചയമുള്ളതുകൊണ്ടു്
> എന്നോടു നേരിട്ടു പറയാമായിരുന്നു.
ഞാന്‍ ഈ വേദികളിലൊന്നും പറഞ്ഞില്ല എന്ന വിമര്‍ശനത്തെ സ്വീകരിക്കുന്നു.
എഴുതേണ്ടുന്ന കാര്യങ്ങള്‍ പലപ്പോഴും എഴുതായെ പേകാറുണ്ടു്.
ഇതൊന്നും ചെയ്യാതെ ഒരു പൊതുവേദിയില്‍
> അപകീര്‍ത്തിപ്പെടുത്തുന്ന പ്രസംഗം നടത്തിയതു് അനിലാണു്.
>
അപകീര്‍ത്തിപ്പെടുത്തലൊന്നുമുണ്ടായിട്ടില്ല
> ഇതാണോ സ്വതന്ത്ര സോഫ്റ്റ്‌വെയര്‍ സമൂഹങ്ങളുടെ പ്രവര്‍ത്തനങ്ങളൊക്കെ
> അറിയുന്ന അനിലിന്റെ നിലപാടു്? ഇതിനെ അപക്വം എന്നെന്തുകൊണ്ടു്
> വിശേഷിപ്പിച്ചുകൂടാ?
>
എന്റെ നിലപാടു് അപക്വമാണെന്നോ, ബാലിശമാണെന്നോ ഒക്കെ ആര്‍ക്കും വിലയിരുത്താം,
പറയാം. അതിനുള്ള ചിന്താസ്വാതന്ത്ര്യത്തേയും, അഭിപ്രായസ്വാതന്ത്ര്യത്തേയും ഞാന്‍
അംഗീകരിക്കുന്നു.
> എന്തൊക്കെ പരിമിതികളാണു് smc യ്ക്കുള്ളതു്? എന്തുകൊണ്ടു് അനില്‍ അതു് ഈ
> വേദിയില്‍ പറയുന്നില്ല? എന്തുകൊണ്ടു് നമുക്കൊരുമിച്ച അവ പരിഹരിക്കാന്‍
> ശ്രമിച്ചുകൂടാ?
തീര്‍ച്ചയായും. അതു് നമ്മള്‍ ചര്‍ച്ചചെയ്യേണ്ടതു്, പരിഹരിക്കേണ്ടതുമാണു്.
> ഇതൊക്കെ ഇവിടെപ്പറയാതെ പൊതുവേദിയില്‍ മാത്രം
> പറയുന്നതുകൊണ്ടു് അനിലിനെന്തു ഗുണമാണുള്ളതു്?
>
ഇവിടെ പറയുന്നതു് പോലെ, പൊതുവേദിയിലും പറയുന്നതും, എസു് എം സി ക്കു്
ഗുണകരമാകാനാണു്. നമ്മുടെ വേദി കൂടുതല്‍ വിപുലമാക്കണം.
ഇനിയും ജനകീയമാവേണ്ട ഒരു
> കൂട്ടായ്മയെക്കുറിച്ചു് അതിനെ പരിചയപ്പെടുത്തുമ്പോള്‍ അനില്‍
> പ്രസംഗിക്കേണ്ടതു് അടിസ്ഥാന രഹിതമായ ആരോപണങ്ങളോ അതോ സംഘടനയുടെ
> പ്രാധാന്യത്തെയും നേട്ടങ്ങളെക്കുറിച്ചുമോ?
>
നേട്ടങ്ങളെ കുറിച്ചാണു് പ്രധാനമായും പറഞ്ഞതു്. അടിസ്ഥാനരഹിതമായ
കാര്യങ്ങളൊന്നും പറഞ്ഞിട്ടില്ല. വിമര്‍ശിച്ചതു് സന്തോഷെടുത്ത നിലപാടിനെയാണു്.
> അനില്‍, വളരെ പക്വമായ ചര്‍ച്ചയിലൂടെ ഒരാഴ്ച മുന്നെ സമവായത്തിലെത്തിയ ഒരു
> വിഷയത്തില്‍ വീണ്ടും വിവാദമുണ്ടാക്കുന്ന പ്രസംഗം നടത്തിയതു് അനിലാണു്.
> വിലയേറിയ സമയം, അതാരുടെതായാലും , ഇതുപോലത്തെ പ്രതിലോമകരമായ
> നിലപാടുകള്‍കൊണ്ടു് പാഴാക്കരുതെന്നു് അപേക്ഷിക്കുനു.
ഇത്തരം കൂട്ടായ്മകളിലെ അപക്വമായ നിലപാടുകളും, ലക്ഷ്യ വിരുദ്ധമായ മനോഭാവങ്ങളും
മാറ്റിയെടുക്കാന്‍, കുറോകൂടി തുറന്ന മനസ്സോടുകൂടിയ ചര്‍ച്ച അത്യാവശ്യമാണു്
> അനില്‍ വര്‍ഷങ്ങളായി
> ഈ വേദിയില്‍ നടത്തുന്ന ക്രിയാത്മകമായ ചര്‍ച്ചകളില്‍ സന്തോഷിക്കുന്ന
> ഒരാളാണു് ഞാന്‍ . അതു വീണ്ടും അതുപൊലെ തുടരുമെന്നു പ്രതീക്ഷിക്കട്ടെ.
>
തീര്‍ച്ചയായും.
-------------- next part --------------
An HTML attachment was scrubbed...
URL: <http://lists.smc.org.in/pipermail/discuss-smc.org.in/attachments/20110227/8eea02f8/attachment-0003.htm>
-------------- next part --------------
A non-text attachment was scrubbed...
Name: not available
Type: image/gif
Size: 96 bytes
Desc: not available
URL: <http://lists.smc.org.in/pipermail/discuss-smc.org.in/attachments/20110227/8eea02f8/attachment-0003.gif>
More information about the discuss
mailing list