<div class="entry"><p>അറിവ് ജനങ്ങളുടെ പൊതുസ്വത്താണ്. അത് സ്വതന്ത്രമായി ഉപയോഗിക്കാനുള്ള അവസരം ജനങ്ങള്‍ക്കുണ്ടായിരിക്കണം.<br>
ബൊദ്ധിക സ്വത്തവകാശത്തിന്റെ വിവിധ രൂപങ്ങളിലൂടെ അറിവിന്മേലുള്ള അവകാശവും അധികാരവും മൂലധന കുത്തകകള്‍ കയ്യടക്കുകയാണിന്ന്.<br>
സാധാരണ ജനങ്ങള്‍ക്ക് അറിവ് അപ്രാപ്യമാവുകയും അവര്‍ക്ക് അറിവിന്മേലുള്ള
സ്വാതന്ത്ര്യം ഇല്ലാതാകുകയും ചെയ്യുന്ന സ്ഥിതി വിശേഷമാണ് ഇത് മൂലം
ഉണ്ടാകുന്നത്. സോഫ്റ്റ്‌വെയറിന്റെ രംഗത്ത് , വിവര സാങ്കേതിക രംഗത്ത് , ജൈവ
സാങ്കേതിക രംഗത്ത് , നാനോ ടെക്നോളജി രംഗത്ത് മറ്റിതര സാങ്കേതിക വിദ്യകളിലും
അറിവിന്റെ എല്ലാ മേഖലകളിലും ഈ കുത്തകവല്‍ക്കരണം നടക്കുന്നു.</p>
<p>അറിവിന്റെ മേലുള്ള കുത്തകാധിപത്യം ചെറുകിട ഇടത്തരം വ്യവസായ വ്യാപാര
സംരംഭകരേയും കൃഷിക്കാരേയും തൊഴിലാളികളേയും പിന്നോക്കാവസ്ഥയില്‍
തളച്ചിടുകയും ഇല്ലായ്മയിലേക്ക് ഇടിച്ചു് താഴ്ത്തുകയുമാണ് ചെയ്യുക.<br>
ഈ പ്രവണത സാമൂഹ്യ പുരോഗതി തടയപ്പെടുന്നതിനിടയാക്കുന്നു. അറിവിന്റെ
സ്വാതന്ത്ര്യം പിന്നോക്ക ജനവിഭാഗങ്ങള്‍ക്കും രാജ്യങ്ങള്‍ക്കും
പരമപ്രധാനമാണ്.</p>
<p>സോഫ്റ്റ്‌വെയര്‍ രംഗത്ത് സ്വതന്ത്ര സോഫ്റ്റ്‌വെയര്‍ പ്രസ്ഥാനത്തിന്റെ
വിജയകരമായ മുന്നേറ്റത്തിലൂടെ അറിവിന്റെ സ്വാതന്ത്യം എന്നത്
യാഥാര്‍ത്ഥ്യമായിരിക്കുന്നു.<br>
സ്വതന്ത്ര സോഫ്റ്റ്‌വെയറിന്റെ വ്യാപനവും അറിവിന്റെ സ്വാതന്ത്ര്യവും
ജനാധിപത്യ വികാസവും ലക്ഷ്യമായി പ്രവര്‍ത്തിക്കുന്ന ജനകീയ കൂട്ടായ്മയാണ്
സ്വതന്ത്ര വിജ്ഞാന ജനാധിപത്യ സഖ്യം.<br>
(Democratic Allaiance for Knowledge Freedom)<br>
ഡി.എ.കെ.എഫ്-ന്റെ രൂപീകരണ സമ്മേളനമാണ് ഇപ്പോള്‍ നടക്കുന്നത്. പുരോഗമന
ജനാധിപത്യ കാഴ്ചപ്പാടുള്ളവര്‍ ഒന്നിക്കുന്ന ഒരു പുതിയ കൂട്ടായ്മ എന്ന
നിലയില്‍ താങ്കളുടെ എല്ലാവിധ സഹായസഹകരണങ്ങളും പങ്കാളിത്തവും ഇപ്പോഴും
തുടര്‍ന്നും ഉണ്ടാകണമെന്ന് അഭ്യര്‍ത്ഥിക്കുന്നു. സമ്മേളനത്തിലേക്ക് താങ്കളെ
സാദരം ക്ഷണിച്ചുകൊള്ളുന്നു. <font size="4">പങ്കെടുക്കുവാന്‍ ഈ വെബ് വിലാസത്തില്‍ രജിസ്റ്റര്‍ ചെയ്യുക. <a href="http://sc.dakf.in">http://sc.dakf.in</a></font><br></p>
<p>എം.യു. തോമസ്സ്<br>
ജനറല്‍ കണ്‍വീനര്‍, സംഘാടകസമിതി<br>
കേരള കര്‍ഷക സംഘം ഓഫീസ്, ഊട്ടി ലോഡ്ജ്ജ്, തിരുനക്കര, കോട്ടയം-686001</p>
</div><br clear="all"><br>-- <br>with warm regards<br>Sivahari Nandakumar<br>Appropriate Technology Promotion Society<br>Eroor, Vyttila 09446582917<br><a href="http://sivaharicec.blogspot.com" target="_blank">http://sivaharicec.blogspot.com</a><br>
--------------------------------------------------------<br> fighting for knowledge freedom<br>