<div dir="ltr">നിരീക്ഷകന്റെ കുറിപ്പുകളെയും ജിനേഷിനെയും പറ്റി ഇന്നത്തെ മനോരമ യുവ യില്‍ <br><br><a href="http://www.manoramaonline.com/cgi-bin/mmonline.dll/portal/ep/malayalamContentView.do?contentId=15079155&programId=7940948&channelId=-1073751665&BV_ID=%40%40%40&tabId=8#.UkPggV1g7kR.facebook">http://www.manoramaonline.com/cgi-bin/mmonline.dll/portal/ep/malayalamContentView.do?contentId=15079155&programId=7940948&channelId=-1073751665&BV_ID=%40%40%40&tabId=8#.UkPggV1g7kR.facebook</a><br>
</div><div class="gmail_extra"><br><br><div class="gmail_quote">2013/8/28 Praveen A <span dir="ltr"><<a href="mailto:pravi.a@gmail.com" target="_blank">pravi.a@gmail.com</a>></span><br><blockquote class="gmail_quote" style="margin:0 0 0 .8ex;border-left:1px #ccc solid;padding-left:1ex">
<p></p><blockquote type="cite"><div class="im">---------- Forwarded message ----------<br>From: "Anivar Aravind" <<a href="mailto:anivar.aravind@gmail.com" target="_blank">anivar.aravind@gmail.com</a>><br>
</div><div class="im">Date: Aug 28, 2013 8:19 PM<br>Subject: [ssug-malappuram] നിരീക്ഷകന്റെ കുറിപ്പുകളെപ്പറ്റി ടി.ടി. ശ്രീകുമാര്‍<br>
To: "Discussion list of Swathanthra Malayalam Computing" <<a href="mailto:discuss@lists.smc.org.in" target="_blank">discuss@lists.smc.org.in</a>>, "Malappuram SSUG" <<a href="mailto:ssug-malappuram@freelists.org" target="_blank">ssug-malappuram@freelists.org</a>><br>
<br></div><div><div class="h5"><div dir="ltr">"നിരീക്ഷകന്റെ കുറിപ്പുകള്‍" എന്ന ജിനേഷിന്റെ ഓര്‍മ്മപ്പുസ്തകത്തെപ്പറ്റി T T Sreekumar ഫേസ്ബുക്കില്‍ എഴുതുന്നു<br><br><a href="https://www.facebook.com/photo.php?fbid=10151796272062716&set=a.80329382715.76690.655042715&type=1" target="_blank">https://www.facebook.com/photo.php?fbid=10151796272062716&set=a.80329382715.76690.655042715&type=1</a><br>
<br><br>ജിനേഷ് (1986 - 2011); ജിനേഷ് മരിച്ചിട്ട് രണ്ടു വര്‍ഷമാകുന്നു. കഴിഞ്ഞ ദിവസം ബാംഗ്ളൂരില്‍ വച്ച് അനിവര്‍ അരവിന്ദ് ആണു “ഒരു നിരീക്ഷകന്റെ കുറിപ്പുകള്‍” എന്ന ഈ പുസ്തകം തന്നത്- ജിനേഷ് കെ. ജെ. യുടെ കുറിപ്പുകളുടെ സമാഹാരം. ജിനേഷിനെ എനിക്ക് പരിചയമില്ലെന്ന് പറയുന്നത് ശരിയല്ല. കഴിഞ്ഞ ഏതാനും വര്ഷം കേരളത്തിലെ സാമൂഹിക മാറ്റങ്ങളോടു നിരന്തരം പ്രതികരിച്ചുകൊണ്ടിരുന്ന ഒരു ചെറുപ്പക്കാരനെ അറിയാതെ പോകുന്നതെങ്ങനെ? പക്ഷെ നേരില്‍ കാണാനും സംസാരിക്കാനും കഴിഞ്ഞിട്ടില്ല. ഓര്‍മ്മകളില്‍ ഒരു കൂടികാഴ്ചയുടെ രേഖകളില്ല. എങ്കിലും നിത്യേനെയെന്നോണം, സോഷ്യല്‍ മീഡിയയില്‍, ചിലപ്പോഴെങ്കിലും മറ്റു സ്ഥലങ്ങളില്‍, അസ്വസ്ഥമായ ഒരു കാലത്തിന്റെ മിടിപ്പുകള്‍ എന്നവണ്ണം ജിനേഷ് എഴുതിക്കൊണ്ടിരുന്നത് വായിച്ചിരുന്നു. ഓര്‍ക്കാപ്പുറത്തു ജിനേഷ് മരണം എന്ന അവസാനത്തിലേക്ക് ഇറങ്ങിപ്പോയി.<br>
<br>ജിനേഷിന്റെ എഴുതപ്പെട്ട വാക്കുകള്‍ സുഹൃത്തുക്കള്‍ സമാഹരിച്ചതാണ് ഈ പുസ്തകം. കാലത്തോട് ഒരു യുവാവ് നടത്തിയ ധീരമായ സംഭാഷണങ്ങള്‍. ചാറ്റ്കള്‍, ഇ-മെയിലുകള്‍, ലേഖനങ്ങള്‍, ചെറു കുറിപ്പുകള്‍. ചുറ്റുമുള്ളവരോട് നിറയെ പറയാനുണ്ടായിരുന്നത് കൊണ്ട് ജിനേഷ് എഴുതിക്കൊണ്ടിരുന്നു. ഇ-മെയിലുകളില്‍, ന്യൂസ് ഗ്രൂപ്പുകളില്‍, അച്ചടിയില്‍. ജിനേഷിന്റെ മനസ്സ് ഏറ്റവും പുതിയ ലോകത്തെ ആശ്ലേഷിക്കുന്നതായിരുന്നു. ആ കെട്ടിപ്പിടുത്തം സ്നേഹവും പരാതികളും പ്രത്യാശകളും നിറഞ്ഞതായിരുന്നു. മാറുന്ന ലോകത്തിലെ എല്ലാ അവകാശികളോടും, ലോകം ഇങ്ങനെ മാറിയാല്‍ മതിയോ എന്ന് ചോദിയ്ക്കാന്‍ തനിക്കുള്ള സ്നേഹപൂര്‍ണ്ണമായ വെമ്പല്‍ ജിനേഷ് മറച്ചു വച്ചില്ല. ഒരിക്കലും ജിനേഷ് നിരാശാഭരിതനായില്ല. രാഷ്ട്രീയമായി, എല്ലാ അര്‍ത്ഥത്തിലും എന്റെ സഹോദരനും സഖാവും ആയിരുന്നു ജിനേഷ്. അതുകൊണ്ടാണ് ആ ആകാംക്ഷകള്‍, സംശയങ്ങള്‍, വ്യാകുലതകള്‍, ആഹ്ലാദങ്ങള്‍ എന്റേത് കൂടിയാണ് എന്നെനിക്കു തോന്നുന്നത്. സ്വതന്ത്ര സോഫ്റ്റ്‌വെയര്‍ മുതല്‍ സ്വത്വ പ്രതിസന്ധി വരെയുള്ള വിവിധ രാക്ഷ്ട്രീയപ്രശ്നങ്ങളോട് സമഗ്രതയോടെയും സംയമനത്തോടെയും പ്രതികരിക്കാന്‍ ജിനേഷിനു കഴിഞ്ഞു എന്നത് ‘പ്രായത്തെ കവിഞ്ഞ പക്വത’ എന്നൊക്കെ പറയാവുന്ന ഒന്നാണ്.<br>
<br>ഈ പുസ്തകം വായിച്ചപ്പോള്‍ ഞാന്‍ ആലോചിച്ചത് ഇന്ന് വേറെ ആരുടെ എഴുത്താണ് എനിക്കിത്രയും യോജിക്കാന്‍ കഴിയുന്നതായി ഉള്ളത് എന്നായിരുന്നു. ഞാന്‍ താദാത്മ്യം കൊള്ളുന്ന ഒരു കാലവും ലോകവും ജിനേഷിന്റെ എഴുത്തില്‍ നിറഞ്ഞു നില്‍ക്കുന്നതായി എനിക്ക് തോന്നുകയാണ്.<br>
ജിനേഷിന്റെ ഭാഷ തികച്ചും ആധുനികമായിരുന്നു. മാറുന്ന ലോകത്തിലെ പുതിയ രാഷ്ട്രീയത്തെ അത് കണ്ടെത്തുകയും സ്വന്തം ശൈലിയിലും രചനാ തന്ത്രങ്ങളിലും അലിയിച്ചു ചേര്‍ക്കുകയും ചെയ്തു.<br>ഇംഗ്ലീഷിലും മലയാളത്തിലും ജിനേഷ് ഒരുപോലെ സമര്‍ത്ഥമായി എഴുതി. ആശയ സംവാദത്തിന്റെ മേഖലയില്‍ വലിയ സംഭാവനകളാണ് ജിനേഷ് നല്‍കിയിരിക്കുന്നത് എന്ന് ഈ പുസ്തകം വായിക്കുന്ന ആര്‍ക്കും മനസ്സിലാവും. ‘മലയാളിയുടെ പെണ്‍കാഴ്ച്ചയെ പറ്റി’ എന്ന കുറിപ്പില്‍ ജിനേഷ് പറയുന്നു: “വിലങ്ങിട്ടു നിര്‍ത്താന്‍ ഒരു ഗേള്‍ ഫ്രണ്ടോ, അല്ലെങ്കില്‍ ശക്തമായ ഒരു മാതൃ സാന്നിധ്യമോ ഇല്ലാത്ത എല്ലാ കേരളീയ യുവാക്കളും എന്നെപ്പോലെ തന്നെയാണ് എന്നാണ് എന്റെ അനുഭവ സാക്ഷ്യം. ദൈവത്തിന്റെ നാട്ടില്‍ കാമാഭ്രാന്തുമായി ജീവിക്കുന്നവരാണ് ഞങ്ങള്‍ എന്ന് എഴുതിത്തള്ളുന്നതിനു മുന്‍പ് എന്ത് സാമൂഹിക സാഹചര്യമാണ് ഞങ്ങളെ ഇങ്ങനെ ആക്കിത്തീര്‍ത്തത് എന്ന് മനസ്സിലാക്കിത്തരൂ.” ഈ സമൂഹത്തിന്റെ പുറത്തല്ല, ഇതിനുള്ളിലാണ് താനും എന്ന വലിയ രാഷ്ട്രീയമായ തിരിച്ചറിവാണ് ജിനേഷിനുണ്ടായിരുന്നത്. ഭൂമിക്കു പുറത്തു ചവുട്ടി നിന്ന് ഭൂമിയെ ചലിപ്പിക്കാം എന്ന് ജിനേഷ് വിശ്വസിച്ചില്ല.<br>
<br>ലുക്കേമിയ ബാധിച്ചു ചിചികിത്സയിലായപ്പോള്‍ പോലും, എഴുതിയ ഹോസ്പിറ്റല്‍ ലോഗുകളില്‍ അനന്യമായ രാഷ്ട്രീയ കൃത്യതയും സംയമനവും കാണിച്ചു ജിനേഷ്. ആസ്പത്രി കിടക്കയില്‍ നിന്ന് എഴുതുമ്പോഴും താന്‍ ഏര്‍പ്പെട്ടിരുന്ന സിവില്‍ സമൂഹ സംവാദങ്ങളെ കുറിച്ചും സമരങ്ങളെ കുറിച്ചുമാണ് ജിനേഷിനു പറയാനുണ്ടായിരുന്നത്. രോഗത്തിന് തൊട്ടു മുന്‍പ് താന്‍ ചെയ്യാന്‍ ആഗ്രഹിച്ചിരുന്ന വലിയ പ്രവര്‍ത്തനത്തെ കുറിച്ച് ജിനേഷ് പറയുന്നു: “ I was on the verge of starting to work for an NGO in “No UID” campaign since I want to make my presence in the scene. May be mow I can put a little more time into that”. Formula 1 കറോട്ടമത്സരത്തിന്റെ വിവരങ്ങള്‍ വിശകലനാനാത്മകമായി എഴുതിയിരുന്നു ജിനേഷ്. അത് സൂചിപ്പിച്ചു ജിനേഷ് പറയുന്നു: “I missed two races while I was not well. I could try to report the rest and publish. Get a name of being first exclusive Malayalee formula 1reviewer”.<br>
<br>ആധാര്‍ മുതല്‍ ഐ പി എല്ലും, കാറോട്ടവും, മലയാളികളുടെ സാമൂഹിക ബോധവും അടക്കം, തന്റെ മനസ്സിനെ മഥിക്കുന്ന കാലിക പ്രശനങ്ങളോട് നിരന്തരം പ്രതികരിക്കാന്‍ സന്നദ്ധനായിരുന്നു ജിനേഷ്. ആ പ്രതികരണങ്ങളാവട്ടെ, കാലത്തിന്റെ ഏറ്റവും തീക്ഷ്ണമായ രാഷ്ട്രീയത്തോട് ചേര്‍ന്ന് നില്‍ക്കുന്നതായിരുന്നു. “ഒരു നിരീക്ഷകന്റെ കുറിപ്പുകള്‍” എന്ന ഈ പുസ്തകം എല്ലാവരും വായിക്കേണ്ടതാണ് എന്ന് ഞാന്‍ വിചാരിക്കുന്നു. ജിനേഷ് പോയപ്പോള്‍ നമുക്ക് നഷ്ടമായത് നാളെയുടെ ഒരു കരുത്തുറ്റ രാഷ്ട്രീയ ചിന്തകനെയാണ്. ജിനേഷ് ഉള്‍ക്കൊണ്ടതും മുന്നോട്ടു വച്ചതുമായ സിവില്‍ സമൂഹ രാഷ്ട്രീയത്തിനു കൂടുതല്‍ സംഭാവനകള്‍ ചെയ്യാന്‍ ജിനേഷ് ഇവിടെ ഉണ്ടായിരുന്നെങ്കില്‍ എന്ന് ഇതെഴുമ്പോള്‍ പൊട്ടിവീഴാത്ത ഒരു നീര്‍ത്തുള്ളി തടഞ്ഞ് വേദനിക്കുന്ന കണ്ണുകളോടെ ഞാന്‍ ആഗ്രഹിക്കുകയാണ്.<br>
<br>ജിനേഷിന്റെ 15 സുഹൃത്തുക്കള്‍ ചേര്‍ന്നാണ് ‘അകം ബുക്സ്’ പ്രസിദ്ധീകരിച്ച (April 2013) ഇതിലെ ലേഖനങ്ങളും കുറിപ്പുകളും സമാഹരിച്ചത്. അതില്‍ പലരും വളരെ കാലമായി ഞാന്‍ അറിയുന്നവരും സ്നേഹിക്കുന്നവരുമാണ്. ഈ സാര്‍ഥകമായ പ്രയത്നത്തിനു അവരോടു ഞാന്‍ എന്റെ ഔപചാരികമായ നന്ദിയല്ല, നിറഞ്ഞ സ്നേഹമാണ് വീണ്ടും അറിയിക്കുന്നത്.<br>
<br>--------<br><br><span><span><span>പുസ്തകത്തിന്റെ
പ്രിന്റഡ് കോപ്പി വേണ്ടവര്‍ ഇവിടെ പേരുചേര്‍ക്കുക. ഈ പേജില്‍നിന്നും
ഡിജിറ്റല്‍ ആയി പിഡിഎഫ് വെര്‍ഷന്‍ ഡൌണ്‍ലോഡ് ചെയ്യാനും കഴിയും </span><a href="http://wiki.smc.org.in/Logbook_of_an_Observer_-_Publication" rel="nofollow" target="_blank">http://wiki.smc.org.in/Logbook_of_an_Observer_-_Publication</a></span></span><br>
</div>
</div></div></blockquote><p></p><span class="HOEnZb"><font color="#888888">
<p></p>
-- <br>
You received this message because you are subscribed to the Google Groups "FEC-Fourth Estate Critique" group.<br>
To unsubscribe from this group and stop receiving emails from it, send an email to <a href="mailto:fourth-estate-critique%2Bunsubscribe@googlegroups.com" target="_blank">fourth-estate-critique+unsubscribe@googlegroups.com</a>.<br>
To post to this group, send an email to <a href="mailto:fourth-estate-critique@googlegroups.com" target="_blank">fourth-estate-critique@googlegroups.com</a>.<br>
Visit this group at <a href="http://groups.google.com/group/fourth-estate-critique" target="_blank">http://groups.google.com/group/fourth-estate-critique</a>.<br>
For more options, visit <a href="https://groups.google.com/groups/opt_out" target="_blank">https://groups.google.com/groups/opt_out</a>.<br>
</font></span></blockquote></div><br></div>