<div dir="ltr"><br><div class="gmail_extra"><br><div class="gmail_quote">2014-11-06 22:10 GMT+05:30 "ഫെന്നെക് എന്ന കുറുക്കൻ. " <span dir="ltr"><<a href="mailto:fennecfox@openmailbox.org" target="_blank">fennecfox@openmailbox.org</a>></span>:<br><blockquote class="gmail_quote" style="margin:0px 0px 0px 0.8ex;border-left:1px solid rgb(204,204,204);padding-left:1ex">
<br><div bgcolor="#FFFFFF" text="#000000">ഒരു ചര്‍ച്ച ആകുമ്പോള്‍
ഒരാള്‍ പറയുന്ന കാര്യം മറ്റുള്ളവര്‍ അല്പമെങ്കിലും തലയിലോട്ടു കയറ്റി
ചിന്തിക്കണം. പക്ഷേ ഈ ചര്‍ച്ച് ഇത്ര അധികം നീണ്ടുപോയിട്ടും, വാദിയും
പ്രതിയും ഇതുവരെ അവരുടെ തീരുമാനത്തില്‍ നിന്നു ഒരു അണുവിട പോലും
അനങ്ങിയിട്ടില്ല.. പറയുന്ന കാര്യത്തിന്‍റെ യധാര്‍ഥ സ്ഥിതി മനസിലാക്കാന്‍
ശ്രമിക്കാതെ ഞാന്‍ പറയുന്ന കാര്യം മാത്രം എല്ലാവരും സമ്മതിച്ച് തരണം എന്ന
നിലയില്‍ സംസാരിക്കുന്നവരോട് എന്തു പറയണം? ഒരു കാര്യം കൂടി; എന്‍റെ ഒരു
സുഹ്യത്ത് ( ആശാന്‍ എന്നാണ് ഞാന്‍ വിളിക്കുന്നത് ) പറഞ്ഞതാണ്, വളരെ നല്ല
സംഘടന ആണ്, പക്ഷേ അതിന്റെ ചര്‍ച്ചകളില്‍ ഒരു തീരുമാനത്തിലേക്ക് എത്തണം
എന്ന മനോഭാവത്തെക്കാള്‍ ഉപരി, അവനവന്‍റെ യും നിലപാടുകളും സ്ഥാപിക്കണം എന്ന
ചിന്തയാണ് എല്ലാവര്ക്കും., ഒരു പരിധി വരെ സ്ന്തം നിലപാടുകളില്‍ ഉറച്ച്
നില്‍ക്കണം, അതില്‍ പിഴവുകള്‍ ഉണ്ടെന്നു കണ്ടാല്‍ തിരുത്താനുള്ള മനോഭാവം
വേണം, കുറഞ്ഞത് ശരിയെ മാനിക്കുകയെങ്കിലും വേണം.. ആശാനോടു പൂര്‍ണമായും ഞാന്‍
യോജിക്കുന്നില്ല, എങ്കിലും കുറച്ചൊക്കെ ആശാന്‍ പറഞ്ഞത് ശരിയാണോ എന്ന്
ഈയിടായായി എനിക്ക് തോന്നാതിരുന്നില്ല.., <br></div></blockquote><div><br></div><div>ഒന്നാമതായി ഒരു തീരുമാനമെടുത്ത് എല്ലാവരും എണ്ണയിട്ട യന്ത്രം പോലെ പണിയെടുത്തു നടപ്പാക്കുന്ന ഒരു കേഡര്‍ സംഘടന അല്ല ഇതു്.. പല ആശയങ്ങളും ചര്‍ച്ചകളും വിരുദ്ധചിന്താഗതികളും ഒക്കെയുള്ള അതേ സമയം ഒന്നിച്ചുണ്ടാക്കേണ്ട മാറ്റത്തെപ്പറ്റി ബോധ്യമുള്ള ഒരു കൂട്ടമാണു്. ഈ ചര്‍ച്ചകളാണു നമ്മുടെ ചലനാത്മകത നിലനിര്‍ത്തുന്നതു്. എല്ലാവരും ഒരുപോലെ സംസാരിക്കുന്ന ഒരു ഗ്രൂപ്പിനേക്കാള്‍ നിരവധി ആശയങ്ങളും കാഴ്ചപ്പാടുകളും ഒന്നിച്ചുവരുന്ന ഒരു ഇടത്തിനല്ലേ ഭംഗി കൂടുതല്‍ . <br><br>പിന്നെ ഇതൊന്നും സ്വതന്ത്രമലയാളംകമ്പ്യൂട്ടിങ്ങും അതിന്റെ സോഫ്റ്റ്‌വെയര്‍ ഡെവലപ്മെന്റും ആയി നേരിട്ട് ബന്ധമുള്ളതല്ല . ആശയചര്‍ച്ചകള്‍ മാത്രമാണ്. ഭാഷാ കമ്പ്യൂട്ടിങ്ങ് രംഗത്തെ നിരവധി സ്വതന്ത്രസോഫ്റ്റ്‌വെയര്‍ പ്രൊജ്കറ്റുകളെ പിന്തുണയ്ക്കുന്ന സംഘടനാ സംവിധാനം മാത്രമാണ് നമ്മള്‍ . അങ്ങനെ ഒരേ രംഗത്ത് പൊതുവായ താല്പര്യമുള്ള പലരെ ഒന്നിച്ചു കൊണ്ടുവരിക മാത്രമാണിവിടെ . ഒപ്പം ആ രംഗത്ത് ചെയ്യേണ്ട ബഗ്ഗ് ഫിക്സുകളും ഇടപെടലുകളും ട്രാക്ക് ചെയ്യുകയും ചെയ്യുന്നു . എന്നാല്‍ പ്രൊജക്റ്റുകളോരോന്നും സ്വാഭാവികമായി ഉരുവം കൊള്ളുന്നതാണു്. അതിന്റെ മുന്നോട്ടുള്ള വഴികള്‍ സാധ്യതകള്‍ ഒക്കെ പല ചര്‍ച്ചകളില്‍ നിന്നു അതിന്റെ ഡെവലപ്പര്‍മാര്‍ സ്വാംശീകരിക്കുന്നു , താല്പര്യമുള്ളവര്‍ അതില്‍ ചേരുന്നു . നമ്മള്‍ ചര്‍ച്ചകളിലൂടെ തീരുമാനമെടുത്ത് സോഫ്റ്റ്‌വെയറുണ്ടാക്കുകയല്ല ചെയ്യുന്നതു് . അതു സ്വാഭാവികമായി ആരുടെയെങ്കിലും മുന്‍കൈയില്‍ തുടങ്ങുകയും താല്പര്യമുള്ളവര്‍ ചേരുകയും ചെയ്യുന്നിടമാണു്. സ്വതന്ത്രസോഫ്റ്റ്‌വെയര്‍ വികസനം സാധാരണയായി മെറിറ്റോക്രസിയാണു്. ഡെമോക്രസിയല്ല. പ്രചരണവും ഡോക്യുമെന്റേഷനും കൂടുതല്‍ പേരിലെത്തലും പുതിയ ഡെവലപ്പര്‍മാരെ കണ്ടെത്തലും അറിവുകളുടെ പങ്കുവെക്കലും പ്രൊജക്റ്റുകള്‍ അന്യം നിന്നുപോവാതെ സംരക്ഷിക്കുകയും മാത്രമാണിവിടെ നടക്കുന്നതും , <br><br>സാമ്പ്രദായികമായ ഒരു സംഘടനാസംവിധാനമല്ലാത്തതിനാല്‍ തെറ്റിദ്ധാരണകള്‍ അതിനാല്‍ ഉണ്ടാവും , അതിനാല്‍ ഇത്തരം വിലയിരുത്തലുകളില്‍ അത്ഭുതമില്ല .<br></div></div></div></div>