[smc-discuss] സ്വതന്ത്രമലയാളം കമ്പ്യൂട്ടിങ്ങിന്റെ വാര്‍ഷിക പൊതു പരിപാടി (ഉത്സാഹക്കമ്മിറ്റി)

[Anivar Aravind]

2013/8/29 ViswaPrabha (വിശ്വപ്രഭ) <viswaprabha at gmail.com>

> ഒരു വിനീതമായ അഭ്യർത്ഥനയുണ്ടു്:
>
> സ്വതന്ത്രമലയാളം കമ്പ്യൂട്ടിങ്ങ് പ്രസ്ഥാനത്തേയും 'മലയാളം കമ്പ്യൂട്ടിങ്ങ്'
> എന്ന സങ്കേതത്തേയും ഒന്നായി കണക്കാക്കി, (അല്ലെങ്കിൽ യുണികോഡ് മലയാളം
> മാത്രമാണു്  മലയാളം കമ്പ്യൂട്ടിങ്ങ് എന്നുവ്യാഖ്യാനിച്ച്) അവയെ പരസ്പരം
> തെറ്റിദ്ധരിപ്പിക്കാതിരിക്കണം.
>
>
തെറ്റിദ്ധരിപ്പിക്കലിനൊന്നും ഉദ്ദേശ്യമില്ല. എന്നാലും ഇതൊരു തുറന്ന
ചോദ്യമാണു്. എന്തായാലും ഇത്തരം ചര്‍ച്ചകളിലൂടെയാണല്ലോ തെളിച്ചം വരിക .
ആസ്കിക്കാലത്തെ കമ്പ്യൂട്ടിങ്ങ് എന്നു വിളിക്കാനൊക്കുമോ ?അഗ്ലി ഫോണ്ട്
ഹാക്കുകള്‍ക്കപ്പുറം  ഒരു കമ്പ്യൂട്ടറുകള്‍ മലയാളഭാഷയെ മലയാളമായി
തിരിച്ചറിഞ്ഞ് തെരച്ചിലും  അടുക്കലും വിവരശേഖരണവും വിവരവ്യവസ്ഥകളും ഒക്കെ
അടങ്ങുന്ന കമ്പ്യൂട്ടിങ്ങ് ക്രിയകള്‍ക്കു  പര്യാപ്തമാകുന്നതു് യൂണിക്കോഡ്
അധിഷ്ഠിത മലയാളത്തിന്റെയും ഓപ്പണ്‍ടൈപ്പ് ടെക്നോളജിയുടെയും വരവോടെയാണു്.
അക്കാലത്ത് കമ്പ്യൂട്ടറുകളില്ലെന്നോ മലയാളം ഇല്ലെന്നോ അല്ല കമ്പ്യൂട്ടിങ്ങ്
എന്ന ക്രിയ അതിന്റെ പൂര്‍ണ്ണ അര്‍ത്ഥത്തില്‍ ഉണ്ടോ എന്നതാണു ചോദ്യം

പരിപാടി സ്വതന്ത്രമലയാളം കമ്പ്യൂട്ടിങ്ങിന്റെ മാത്രമല്ല, മലയാളം
കമ്പ്യൂട്ടറുകള്‍ക്കു പാകമായ ഒരു കാലഘട്ടത്തിന്റേതുകൂടിയാണ്. ഒരു സംഘടനയുടെ
മാത്രമല്ല. ഓപ്പറേറ്റിങ്ങ് സിസ്റ്റവും പിന്തുണയും ഏതായാലും ഒട്ടനവധി
വ്യക്തികളുടെയും കൂട്ടങ്ങളുടെയും സ്വതന്ത്രലൈസന്‍സിലുള്ള നിരവധി ഇടപെടലുകളാണു്
മലയാളത്തെ കമ്പ്യൂട്ടിങ്ങിനു പ്രാപ്തമാക്കിയതു് . അതു് ഓര്‍മ്മിക്കാനും
ആദരിക്കാനും പുതുവഴികളെപ്പറ്റി കൂട്ടായി അന്വേഷിക്കാനുമുള്ള ഒരു
സന്ദര്‍ഭമൊരുക്കുക എന്നതേ പരിപാടിയുടെ ലക്ഷ്യമായുള്ളൂ. ഒപ്പം ഇത്തരം
ഇടപെടലുകളുടെ ആവശ്യകതയും പ്രസക്തിയും പൊതുസമൂഹത്തിനും സാംസ്ക്ലാരികലോകത്തിനും
കാണിച്ചുകൊടുക്കാനുള്ള ഒരവസരമായി ഇതിനെ ഉപയോഗപ്പെടുത്തുക എന്നതും


ഭാഷാ കമ്പ്യൂട്ടിങ്ങിന്റെ ഒരു ഭാഗം മാത്രമാണു് ലിപിസങ്കേതം. മലയാളത്തിന്റെ
> യഥാർത്ഥ കമ്പ്യൂട്ടർ രംഗപ്രവേശം  12 വർഷത്തേക്കാളുമൊക്കെ വളരെ മുമ്പു തന്നെ
> തുടങ്ങിവെച്ചിട്ടുണ്ടു്.
>

കമ്പ്യൂട്ടര്‍ രംഗപ്രവേശത്തെക്കുറിച്ച് സംശയമേതുമില്ല. ഭാഷയിലൂന്നിയ
കമ്പ്യൂട്ടിങ്ങ് എന്ന ക്രിയയെക്കുറിച്ചാണ് എന്റെ ചോദ്യം


>
> SMCയുടെ പന്ത്രണ്ടാം വാർഷികത്തിനു്  ആത്മാർത്ഥമായും സകലവിധ ആശംസകളും
> കഴിയാവുന്നത്ര സഹായവാഗ്ദാനങ്ങളും അർപ്പിച്ചുകൊണ്ടുതന്നെ,
>

തീര്‍ച്ചയായും കൂടുമല്ലോ .
-------------- next part --------------
An HTML attachment was scrubbed...
URL: <http://lists.smc.org.in/pipermail/discuss-smc.org.in/attachments/20130830/a47a3bbf/attachment-0003.htm>