[smc-discuss] WS2014 - മലയാഴ്മയുടെ വ്യാകരണം (1863)

[Joju Jacob]

സുഹൃത്തുക്കളേ,

സ്വതന്ത്രമലയാളം കമ്പ്യൂട്ടിംഗിലെ ഏതാണ്ട് ഒരു നിഷ്ക്രിയ അംഗം മാത്രമാണ് ഞാൻ.
ഡിജിറ്റൈസേഷൻ മത്സരത്തോടനുബന്ധിച്ച് എന്റെ ചില അഭിപ്രായങ്ങല് പങ്കുവയ്ക്കട്ടെ.

ഗുണ്ടർട്ട്  മലയാള ഭാഷയ്ക്ക് നൽകിയ സംഭാവനകൾ വിസ്മരിയ്ക്കുന്നില്ല.
ഗുണ്ടർട്ടിന്റെ ബൈബിളിന് ചരിത്രപരമായ പ്രാധാന്യും ഉണ്ടെന്നതും വസ്തുതയാണ്.
കേരളത്തിലെ സുറിയാനി ക്രിസ്ത്യാനികളെ സംബന്ധിച്ചിടത്തോളം പ്രധാനപ്പെട്ട രണ്ടു
പുസ്തകങ്ങളാണ് മാണിക്കത്തനാരുടെ പിശ്ത്താ വിവർത്തനവും (പിശ്ത്താ എന്നത്
ബൈബിളിന്റെ സുറിയാനീ ഗ്രന്ഥമാണ്) പാറേമാക്കന്റെ വർത്തമാനപ്പുസ്തകവും.
വർത്തമാനപ്പുസ്തകം മലയാളത്തിലേ തന്നെ ആദ്യ യാത്രാവിവരണമായി പറഞ്ഞു
കേട്ടീട്ടൂമുണ്ട്.

ഈ രണ്ടു ഗ്രന്ഥങ്ങൾ വിക്കി ഗ്രന്ഥശാലയിൽ ഉൾപ്പെടുത്തിയാൽ
നന്നായിരിയ്ക്കുമെന്നു കരുതുന്നു. സ്കാൻ ചെയ്ത പേജുകൾ ലഭ്യമാക്കാൻ എന്നാൽ
കഴിവതു ചെയ്യാവുന്നതുമാണ്.


2014/1/1 manoj k <manojkmohanme03107 at gmail.com>

> *വിക്കിഗ്രന്ഥശാല:ഡിജിറ്റൈസേഷൻ മത്സരം 2014*
>
> മലയാളത്തിലെ കോപ്പിറൈറ്റ് കാലാവധി കഴിഞ്ഞ ഗ്രന്ഥങ്ങളുടെ സംഭരണവും ഡിജിറ്റൽ
> രൂപത്തിൽ യൂണിക്കോഡിൽ ലഭ്യമാക്കലും കൂടുതൽ ജനകീയമാക്കുന്നതിന്റെ ഭാഗമായി
> മലയാളം വിക്കിസമൂഹത്തിന്റെ മുൻകൈയിൽ സെന്റർ ഫോർ ഇന്റർനെറ്റ് ആൻഡ് സൊസെറ്റി
> (CIS-A2K), കേരള സാഹിത്യ അക്കാദമി, ഐറ്റി @ സ്കൂൾ പദ്ധതി, സ്വതന്ത്ര മലയാളം
> കമ്പ്യൂട്ടിങ്ങ് തുടങ്ങിയ സ്ഥാപനങ്ങളുടെയും സംഘടനകളുടേയും
> സംയുക്താഭിമുഖ്യത്തില്‍ ഒരു ഡിജിറ്റൈസേഷന്‍ മത്സരം സംഘടിപ്പിക്കുന്നു.  2014
> ജനുവരി  ഒന്നിനു് തുടങ്ങി, 31 വരെ ഒരു മാസം നീണ്ടുനിൽക്കുന്ന ഈ മത്സരത്തിൽ
> ഏറ്റവും കൂടുതൽ ടൈപ്പിങ്ങും പ്രൂഫ്‌റീഡിങ്ങും  ചെയ്യുന്ന വ്യക്തികൾക്കും
> സ്കൂളുകൾക്കും പ്രോത്സാഹനമായി ഇബുക്ക് റീഡറുകളും  ടാബ്ലറ്റുകളും പുസ്തകങ്ങളും
> അടക്കം നിരവധി സമ്മാനങ്ങൾ ഉണ്ടാവും .  പദ്ധതിതാള്‍ :
> https://ml.wikisource.org/wiki/WS:DC2014  #ws2014<https://plus.google.com/s/%23ws2014>
>
> ടൈപ്പ് ചെയ്ത് ഡിജിറ്റല്‍ മുക്തിലഭിയ്ക്കാന്‍ കാത്തുകിടക്കുന്ന മറ്റു
> പുസ്തകങ്ങള്‍  http://goo.gl/AQNEKU. പങ്കെടുക്കുന്നതിന് മുമ്പ്
> http://goo.gl/gXfXzo രജിസ്റ്റര്‍ ചെയ്യാന്‍ മറക്കരുത്. വിക്കിയില്‍
> തിരുത്തുമ്പോഴും ലോഗിന്‍ ആണ് എന്ന് ഉറപ്പുവരുത്തുക.
>
> ഇതിന്റെ ഭാഗമായി ഡിജിറ്റൈസ് ചെയ്യുന്ന ആദ്യ പുസ്തകം:-
>
> ഒരു മലയാളി പൂർണ്ണമായി മലയാളത്തിൽ എഴുതിയ ആദ്യത്തെ മലയാള വ്യാകരണഗ്രന്ഥമാണ് *മലയാഴ്മയുടെ
> വ്യാകരണം* (1863)
> രചയിതാവ് : *റഫ. ജോർജ് മാത്തൻ*
> വര്‍ഷം : *1863*
> പ്രസാധകർ :  *COTTAYAM: C. M. PRESS.*
>
> 1851-ൽ  ഗുണ്ടർട്ട് വ്യാകരണത്തിന്റെ ആദ്യഭാഗം പ്രസിദ്ധീകരിക്കുന്നതിനു മുൻപു
> തന്നെ  എഴുതി പൂർത്തിയാക്കി അച്ചടിക്കായി നൽകിയെങ്കിലും 1863-ൽ മാത്രമാണ്
> ഗ്രന്ഥം  പുറത്തു വന്നത്. പ്രിഫേസ് മാത്രം ഇംഗ്ലീഷിലാണ്. 1852-ൽ
> മാനുസ്കൃപ്റ്റിനെപ്പറ്റി ഹെന്റീ ബേക്കർ (സീനിയർ) അടക്കമുള്ളവർ എഴുതിയ
> നോട്ടുകളും ആമുഖത്തിന്റെ ഭാഗമായി ചേർത്തിട്ടുണ്ട്. A Grammar of Malayalam  in
> The Language Itself എന്ന് ഗ്രന്ഥനാമം ഇംഗ്ലീഷിലും  കൊടുത്തിട്ടുണ്ട്.അക്ഷര
> ലക്ഷണം, പദലക്ഷണം എന്നീ രണ്ടു കാണ്ഡങ്ങളാണ്  കൃതിക്കുള്ളത്. ഒന്നാം കാണ്ഡത്തിൽ
> അക്ഷര സംജ്ഞകളും സന്ധികളും  വിശദീകരിക്കപ്പെട്ടിരിക്കുന്നു. രണ്ടാം കാണ്ഡത്തിൽ
> നാമം, വചനം, അവ്യയം എന്നിവയെപ്പറ്റീയും പ്രതിപാദിക്കുന്നു.
>
> പുസ്തകത്തിന്റെ സൂചികാതാളിലേയ്ക്കുള്ള കണ്ണി:
> https://ml.wikisource.org/wiki/Index:A_Grammer_of_Malayalam_1863.pdf
>
> പുസ്തകം അയച്ചുതന്ന സുനില്‍ പ്രഭാകറിന് പ്രത്യേകം നന്ദി രേഖപ്പെടുത്തുന്നു.
>
> പദ്ധതിയുടെ ഏകോപനസമിതിയ്ക്ക് വേണ്ടി
> Manoj.K/മനോജ്.കെ
>  9495576262 / 9495513874
> www.manojkmohan.com
>
> _______________________________________________
> Swathanthra Malayalam Computing discuss Mailing List
> Project: https://savannah.nongnu.org/projects/smc
> Web: http://smc.org.in | IRC : #smc-project @ freenode
> discuss at lists.smc.org.in
> http://lists.smc.org.in/listinfo.cgi/discuss-smc.org.in
>
>
>
-------------- next part --------------
An HTML attachment was scrubbed...
URL: <http://lists.smc.org.in/pipermail/discuss-smc.org.in/attachments/20140102/ec5805c8/attachment-0003.htm>