[smc-discuss] മലയാളഭാഷയും മാധ്യമങ്ങളും

[Jayadevan Raja]

അദ്ദേഹത്തിന്റെ പുസ്തകം ഇപ്പോള്‍ എന്റെ കയ്യിലില്ല (പുസ്തകം കേരളത്തിലെ
വീട്ടിലാണു്, ഞാന്‍ ന്യൂയോര്‍ക്കിലും). അദ്ദേഹം പറഞ്ഞ കാര്യങ്ങള്‍ ഭാഷയെപ്പറ്റി
ആണു്, ലഭ്യമായ സാഹിത്യകൃതികളെപ്പറ്റി അല്ല.

വിശകലനത്തിന്റെ ചില ഭാഗങ്ങള്‍ (എന്റെ ഓര്‍മയില്‍നിന്നു്) ഇവയാണു്. മലനാട്ടു്
ഭാഷയില്‍ (മലനാട്ടു് തമിഴ് അതായതു് സഹ്യന്റെ പടിഞ്ഞറുള്ള ഭാഷ) വ്യാകരണം വളരെ
'പ്രാചീന ലാളിത്യം' ഉള്ളതാണു്. പുരുഷപ്രത്യയങ്ങള്‍ തീരെ ഇല്ല എന്നു് മാത്രമല്ല,
ചരിത്രത്തിലൊരിക്കലും സഭ്യത്തിലൊ ഗ്രാമ്യത്തിലൊ പഴംചൊല്ലുകളിലൊ
നാടന്‍പാട്ടുകളിലൊ മറ്റൊ ഉണ്ടായിരുന്നിട്ടില്ല. ഇംഗ്ലീഷ് പോലുള്ള 'ആധുനിക
ലാളിത്യം' ഉള്ള ഭാഷകളില്‍ ഇവ പൂര്‍വ രൂപങ്ങളിലുണ്ടു്. പാണ്ഡിഭാഷയില്‍
(പാണ്ഡിത്തമിഴ് അതായതു് സഹ്യന്റെ കിഴക്കുള്ള ഭാഷ) തെലുങ്കിലേയും കന്നഡത്തിലേയും
സംസ്കൃതത്തിലേയും പോലെ പുരുഷപ്രത്യയങ്ങളും മറ്റും മൂലം 'ഇടക്കാല സംകീര്‍ണത'
ആണു് ഉള്ളതു്.

തമിഴ് (അഥവാ ഭാഷ) എന്നതു് 17-18 നൂറ്റാണ്ടുകള്‍ വരെ പാണ്ഡിത്തമിഴിനും മലനാട്ടു്
തമിഴിനും ഉപയോഗിച്ചിരുന്ന വാക്കാണു് (മണിപ്രവാളത്തിന്റെ നിര്‍വചനം തന്നെ
ഉദാഹരണം: ഭാഷയും സംസ്കൃതവും ചേര്‍ന്നാല്‍ അതു് മണിപ്രവാളം ആയി).

മലയാളം എന്ന വാക്കു് പണ്ടു് കേരളനാടിനെക്കുറിച്ചിരുന്നു. കൈരളി (അഥവാ മലനാട്ടു്
തമിഴ് അതായതു് സഹ്യന്റെ പടിഞ്ഞറുള്ള ഭാഷ) എന്ന അര്‍ഥത്തില്‍ മലയാളം എന്ന
വാക്കു് വളരെ അടുത്ത കാലത്തു് (കുറച്ചു് നൂറ്റാണ്ടുകലള്‍) ആണു്
പ്രചാരത്തിലുള്ളതു്. പക്ഷെ നമ്മുടെ ഭാഷ വളരെ പഴക്കം ഉള്ളതാണു്.

അദ്ദേഹം പറഞ്ഞ കാര്യങ്ങള്‍ ഭാഷയെപ്പറ്റി ആണു്, ലഭ്യമായ സാഹിത്യകൃതികളെപ്പറ്റി
അല്ല.

2011/1/23 കെവി & സിജി <kevinsiji at gmail.com>

> 2011/1/23 Jayadevan Raja <jayadevanraja at gmail.com>
>
> "തമിഴ് ഭാഷയൊഴിച്ച് ഇന്ന് സജീവമായി നിലനില്‍ക്കുന്ന ഭാരതീയ ഭാഷകളെല്ലാം ഏഴാം
>>> നൂറ്റാണ്ടു(ബിസി)മുതല്‍ സുമാര്‍ പതിനേഴാം നൂറ്റാണ്ടുവരെ നിലനിന്നതായി
>>> കണക്കാക്കാവുന്ന ഭക്തിപ്രസ്ഥാനത്തോടുകൂടി അതിന്റെ ഫലമായും അതിനു പ്രേരകമായും
>>> ഇന്നത്തെ രൂപത്തില്‍ എത്തിയതാണ്".
>>>
>> ഒരു ഭാഷാശാസ്ത്ര തത്വത്തിന്റേയും പിന്‍ബലത്തോടു കൂടിയല്ലാത്ത ഇത്തരം വാദങ്ങളെ
>> സമൂഹം തള്ളിക്കളയും എന്നു് തന്നെ ആശിക്കാം.
>> ഉള്ളൂരും ഗുണ്ഡര്‍ട്ടും മറ്റും ഉള്‍പ്പെടെയുള്ള ശാസ്ത്രസമൂഹം പറഞ്ഞിട്ടുള്ള
>> കാര്യങ്ങളെ നമുക്കു് ഉയര്‍ത്തിപ്പിടിക്കണം. മഹാകവിയും ഭാഷാശാസ്ത്രജ്ഞനും ആയ
>> ഉള്ളൂരിന്റെ സ്വന്തം വാക്കുകളില്‍ പറഞ്ഞാല്‍ "മലയാള ഭാഷ ഇന്നത്തെ തമിഴിന്റെ
>> പുത്രീസ്ഥാനത്തോ കനിഷ്ഠ സഹോദരീസ്ഥാനത്തോ അല്ല, മറിച്ചു് ജ്യേഷ്ഠ
>> സഹോദരീസ്ഥാനത്തോ മാതൃസ്ഥാനത്തോ ആണു്".
>>
>
> ബിസി മൂന്നാം നൂറ്റാണ്ടിലേതെന്നു കരുതപ്പെടുന്ന സംഘസാഹിത്യവും എഡി നാലാം
> നൂറ്റാണ്ടിനു മുമ്പെന്നു കരുതപ്പെടുന്ന തിരുക്കുറലും തമിഴിന്റെ പുരാതനത്വം
> കാണിയ്ക്കുമ്പോൾ മലയാളം തമിഴിന്റെ മാതൃസ്ഥാനത്തു വരണമെങ്കിൽ അതിലും പുരാതനമായ
> കൃതികൾ മലയാളത്തിൽ ഉണ്ടായിരുന്നിരിയ്ക്കണം. ഉള്ളൂരിനു അറിയാമായിരുന്നെങ്കിൽ,
> അതിനെക്കുറിച്ചു് അദ്ദേഹം എവിടെയെങ്കിലും പറഞ്ഞിരിയ്ക്കും. അതിനെക്കുറിച്ചു്
> ആർക്കെങ്കിലും അറിയാമോ?
>
> കെവി.
>
> _______________________________________________
> Swathanthra Malayalam Computing discuss Mailing List
> Project: https://savannah.nongnu.org/projects/smc
> Web: http://smc.org.in | IRC : #smc-project @ freenode
> discuss at lists.smc.org.in
> http://lists.smc.org.in/listinfo.cgi/discuss-smc.org.in
>
>
>


-- 
Thanking You,
Jayadevan V
-------------- next part --------------
An HTML attachment was scrubbed...
URL: <http://lists.smc.org.in/pipermail/discuss-smc.org.in/attachments/20110123/89177550/attachment-0003.htm>